عائلة ام العبد

زائر

كتابة السيناريو

رؤئة اخراجية

رائد عورتاني

كوميدي

السيناريو

الحوار

تفتح الكاميرا على ابو العبد وام العبد يجلسان على كنب ، الغرفة مكونة من كنبتين مفرد ، وكنبة مزدوج ، وكنبة ثلاثية ( طقم كنب كامل .

ابو العبد بيده لعبة اتاري ويصدر صوت الأتاري يضع رجلة على حافة الكنباية ومطنش ام العبد . ام العبد تجلس على طاولة مفرد معها سكين وتقشر البطاطا

. . .

ام العبد تحاول استفزاز ابو العبد للكلام ، لكن ابو العبد يلعب اتاري وهو مكشر .

ابو العبد يرفع حاجبية ويقول " لاء " بكشره

ابو العبد بظله يلعب اتاري ويقلب قنوات التلفزيون

ابو العبد بطلع في ام خليل وهو مكسر وراسم سبعة على جبينو وبغير قناة جديدة وبرجع بلعب في الأتاري ويقول

هنا يدخل عبد

عبد بيده اتاري مثل ابوه وفايع في اللبس وبرقبته سنسال وموبايل معلق في رقبته

ابو العبد يصحح لأم عبد وهو يشير بيده بأنها مجنونه

ام العبد تصرخ

ام العبد تقولها بمسخرة

عبد يرتب قبة القميص

ابو العبد يرفع حاجبه بستغراب

ابو العبد يضحك ويهز رأسه . . .

ام العبد زغرودة طويلة . . .

ابو العبد رجع الكشرة الى وضعها .

تخرج بسمه ابنة ابو العبد من غرفتها وتقول لأم العبد وهيه تعد على أصابعها

ام العبد تسحب بسمه من شعرها بلطف

ابو العبد يمط رقبته عاليا . . .

ابو العبد يصرخ وبقف ويذهب الى غرفتو زهز يقول

ابو العبد يقف على باب غرفتة وينظر الى ام العبد

ام العبد تلحق بسمة منزعجه

عبد يخرج راسة من باب غرفتة بحظر وبعد الأنتهاء من جملته يدخل وقفل الباب

ام العبد تخرج من المنزل الى السوق ، قطع ام العبد في السوق وتنظر الى حولها وترى بعض الماره من الفتيات على الموضه وأحدى الفتيات بنطلون ضيق جدا

ام العبد : ابو العبد جبت مصاري اليوم

ابو العبد : لاء

ام العبد : وبعدين ارسي على محطة خلينا انشوف وبطل لعب مثل لصغار في الأتاري

ابو العبد : مش عاجبك فوتي على المطبخ

عبد : هاي مام ، هاي داد

ام العبد : وعليكم الهاي ورحمة الله وبركاته . . . تعال يا غضيب تعا شفت ابوك بدو يجلطني ويخليني امشي في الشوارع ( كيزي )

ابو العبد يصحح لأم العبد : ( كريزي )

ام العبد : جننتوني . . كوزي . . كيزي زي بعظو المهم جننتوني انت وابنك

ام العبد : تعا ولا تعا شوف ابوك قلب مخي وهو بقلب في التلفزيون وبلحن على الأتاري

عبد : ما في داعي شايفو . . بس لو يثبت على قناة استار خلينا انشوف البط

ام العبد : ولك مش مكفيك بط الشوارع مش مخلي حد من شرك

عبد : بط الشوارع ما بقدر ابحلق فيه الشرطة بتخذني وبتقول تحرش في الفتيات

ام العبد : وبط التلفزيون يا صايع

عبد : بنبحلق وبنتفرج على كيفنا وما في رقابه

ام العبد : جلطوني انت وابوك يا صايع . . مش انت صايع ولا بطلت ولا صايع

عبد : كنتصايع بس هلأ صرت سوبر فايع .

ام العبد : يعني انت صايع فايع طقع ولا

عبد : يعني هيك شي

ام العبد : ولا الك دعوة ، وبتدخن ، وبتمج أرجيله ، وبتضيع كرت موبايل بعد الساعة 12 ع السوسة تبعتك ، وبرقبتك 12 موري فلاش ما بدري شو اسمه . .

ابو العبد : ولك عبد انت بتدخن وبتمج ارجيلة ولا

عبد : لا لا لا داد هذا كلو نم يا داد

ام العبد : ولا بقلع عينك . . . انا نمامه ولا

ابو العبد : يضحك

ام العبد : تزغرد زغرودة طويلة ، مليح اللي بين سنك . . هاي أول مرة بشوفك بتضحك من صباحية عرسنا قبل 20 سنة .

ابو العبد : يرجع يكبس في الريموت ويلعب اتاري

بسمه : ما ما ، عبد مشتري 6 سيدهات و قلاش جديد وهيوتهن مخبيهن بغرفته .

ام العبد : كملت ولكو شو هالعيلة زي ملبس الطهور كل حبة شكل ، تعي ولا أورجيكي يا نمامه وعمليتلي دكتورة في البيت وانت ما طلعتي من البيضة ، جلطوني

بسمه : هلأ انا هيك ماما .

ابو العبد يتنحنح طويلأ أحممممممممممم . . . يتبعها صمت مطبق

ابو العبد : كل العيل هيك

ام العبد : نعم شو غردت مولانا .

ابو العبد : كل العيل هيك فيها زلمة كشر ومرة مزنطرة وشب فايع وبنت فسادة .

ام العبد : فهمانة عليك . بس مستغربه انك حكيت هلأ . صرلي ست ساعات بحاول اسحب منك حرف من تحت سنانك ولا يمكن يعني لو الحكي بفلوس كان قلنا أخر الشهر ومفلس ، بس الحكي ابلاش

ابو العبد : لا حول ولا قوة الا بالله

ام العبد : نرجع لموضوعنا جبت مصاري بدي دوا جلي وبدي فلاش وبدي كلور وبدي خبز وبدي رز وبدي جاج وبدي عدس وبدي معكرونة

ابو العبد : الله اكبر وقت ما بدكن البيت مليا وقت ما بدكن البيت فاضي شو من وين عايشة

ام العبد : لسى ما كملت ؟ وين رايح وتاركني بحكي مع حالي ، روح شوف مطبخ ام رامي موووووول مليان

ابو العبد : هذاك ابو رامي مش ابو العبد ولي بطلع فوق بتنكسر رقبتو

ام العبد : وانت ابو العبد والي بطلع تحت بتنلوح رقبتو

ابو العبد : لسى 10 ايام على اخر الشهر وبدك ميزانية شهرين ، شو انا قديش تقاعدي منشان اسكر ميزانية مطبخ ام العبد مول

ام العبد تصرخ : جبتولي الجلطة والسكر و الفقر

بسمة : ماما ممكن ترفعي ايدك

ام العبد : وليش يا نماما ارفع ايدي

بسمة : خليني أتاكد من الجلطة قوية

ام العبد : عاملة دكتورة يا فلعوسة ولك داوي جنونك

بسمة : يا ماما الزعل مش مليح منشانك

ام العبد : لأ عنجد انا انجلط

ام العبد : ولك عبد روح اشتري معكرونة وماجي

عبد : مام انا مش فاضي عم ببعت رسايل لأصدقائي

ام العبد : انا بفرجيك يا صايع يا ابو التلفونات والرسايل ، بسمة تعالي حبيبتي اشتريلي من الدكان

مش انت حبيبتي

بسمه : هسه صرت حبيبتك

ام العبد : والله حبيبتي وبحبك

بسمه : بروح بشرط بخذ منك نص دينار اجار طريق

ام العبد : ايجار شو ، طريق . انا طالعة وماخذه النص الي خليكي عند ابوكي واخوكي ونموي بس ما تنمو عليه

ام العبد : يما هاي كيف فايته في البنطلون اجرم عنها السمنه غليانه

متل ما بيقولوا .......... عيله متل قاع الكيله
هههههه
مشكور رائد ع مشاركتك الرااااائعه
وبأنتظار التصوير ولعب الأدوار lol!

سيناريو حلو بشبه الي بصير عنا في البلد مع العائلات

السيناريو كتير حلو ومهضوم ..........الله يوفقك واحنا ناطرين التصوير^_^

زائر

التصوير بعد العيد

انا اول واحد رح اكون جاهز للتصوير